ياناس مخلوق جديد غزاني
علقي بروحـه ورمانـي الانانـي
ما فكر اني فـي بعـاده اعانـي
ولاحس في قلبه بشوقي وجانـي
مدري وش اللي جاه مني وقلب حاله
وانا وفكري وقلبـي دايـم بجالـه
ياقسوته وياقوى قلبه وانـا قبالـه
ارجي متى اشوفه وابكي من احزاني
ياجعل منهو ماخـذه يهتنـي بـه
وليت الشقا حظـه ولايلتقـي بـه
عشان يعرف من يحبه ومشتقي به
ويدري ان الذي صابه عقوبة زماني
اللي معه ضيعـت وقتـي وحياتـي
وقلبه على ماهو وقلبي انا يحاتـي
حسبي عليـه الله وعينـه تباتـي
وانا سهير الطرف ساهر مع اشجاني
عجزت ابفهم ليه صدقي يعذبني
مما اشوفه وفعل محبوب يقتلني
يقول لي حبك في قلبي يذوبنـي
وفعله يقول العكس ويقتل حناني
وانا وربي احبه وعاشق فنونه
اذوب من نظرته ومطالع جفونه
مغرم انا واهواه واموت بجنونه
ليته يعود بس ويقول يبغانـي
ويطرب مسامع حبيبه بصوته الهادي
وينظم حروف قافي ويرتب اعـدادي
ويسمع قصيد كتبته لعيونه الغادي
ويرجع واضمه حيل واغني الحانـي
ونعيش انا وياه الحزن والفرح واسبابه
ونبعد عن العذال والجـرح واسرابـه
ونصبر على الواشين والحسد واربابه
ونحلـم انـا ويـاه احلـى الامانـي
ونصبر على مر الدهر والمقادير
ونقبل على العالم ونقبل معاذير
لان الخطا وارد ولو به محاذير
ولكن قلبي من خطاهم يعانـي
تعبت ابعرف ليه صدقه معي كذبه
وانا اصونه بصدق واقول يا عذبه
واثري انا مخدوع منـه بلاسبـه
وكنت اعشقه واقول تراه يهواني
موضوع: ليته يعود بس ويقول يبغاني 
الإثنين يوليو 14, 2008 8:31 am
