تعودتي على الفرقآآ

( تعودتي على الفرقـا )

تعودتي على الفرقا طبيعـي ذا الزمـن دوار
انا ادري يابعد عمري على الفرقـا تعودتـي
انا ماراح..اقعد لك هنا واسأل عن اللي صار
ولا راح اسألك يااحلـى حياتـي لوتغيرتـي
خذاك الوقت وادري الوقت لوطال الزمن غدار
وأنتي ياحبيبة خاطري مثله علـي صرتـي
تعبت اركض وادور للوفا وتخونني الأقـدار
تعبت اصبغ جدار الوقت ويكتب انتهى وقتي
تعبت اتحمل جروح الحبايـب والألـم جبـار
تعبت اكذب واقول انك الى الحيـن ماخنتـي
تعبت اتنفس الشباك واقول انه وسيع الـدار
واناادري ياديار الحب من مبطي علي ضقتي
تعبت آجبر كسور الهوى واتسلـق الأسـوار
تعبت احذف حواجز غيبتك وانتـي ولابنتـي
تعبت اكذب على نفسي وادور للفراق اعـذار
تعبت اقول باقي بك امل حتـى ولـو غبتـي
تعبت اشرح واقول ان المحبه قربـت تنهـار
واشوفـك لاهيـه عنـي ولاحتـى تأثرتـي
الا ياليلي القاسـي كفايـه باحـت الأسـرار
وياعيني كفايه من السهر عاميـن مانمتـي
خطاياك الكثيره واضحـه لاماعليهـا غبـار
وجرحك قدتمكـن فالحشـا وانتـي تمكنتـي
خذيتي ثم خذيتي ثم خذيتـي دون مانختـار
يادنيا الله واكبـر كـل مـا انتـي تكبرتـي
الى وين الطريق يروح مدري وين يامحتـار
ولكن ياظنوني ذا نصيبـك ويـن مارحتـي
ابكتب لك هنا فوق الحنايـا يالغـلا تذكـار
تأخرتي..تأخرتي..تأخـرتـي..تـأخـرتـي